ബെംഗളൂരു ∙ എടിഎമ്മുകളിൽ നിറയ്ക്കേണ്ട ഒരു കോടിയിലേറെ രൂപ പലതവണയായി കൈക്കലാക്കിയ ഏജൻസി ജീവനക്കാരൻ അറസ്റ്റിൽ. ജെപി നഗർ നായിഡു ലേഔട്ട് നിവാസി എസ്.ശിവകുമാറി(30)നെയാണു കുമാരസ്വാമി ലേഔട്ട് പൊലീസ് പിടികൂടിയത്. നിറയ്ക്കേണ്ട തുകയുടെ പകുതി മാത്രം എടിഎമ്മിൽ നിറയ്ക്കുകയും ബാക്കി തുക തട്ടിയെടുക്കുകയുമാണ് ഇയാൾ ചെയ്തുവന്നിരുന്നത്. ഇയാളിൽ നിന്നു 91 ലക്ഷം രൂപ കണ്ടെടുത്തു.
ഐസിഐസിഐ, എച്ച്എഫ്സി ബാങ്കുകളുടെ എടിഎമ്മുകളിൽ പണം നിറയ്ക്കാൻ കരാറുള്ള ഏജൻസിയിലെ ജീവനക്കാരനായ ശിവകുമാർ 42.91 ലക്ഷം രൂപ തട്ടിയെടുത്തെന്നാരോപിച്ച് ഏജൻസിയാണു പൊലീസിൽ പരാതി നൽകിയത്. ചോദ്യം ചെയ്യലിൽ 1.05 കോടി രൂപ ഇത്തരത്തിൽ കവർച്ച ചെയ്തതായി ഇയാൾ മൊഴി നൽകി. നിറയ്ക്കേണ്ടതിന്റെ പകുതി മാത്രം പണമേ ഇയാൾ എടിഎം മെഷീനിൽ നിറച്ചിരുന്നുള്ളൂവെന്നു പൊലീസ് പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക.
If you cannot read Malayalam,Download BengaluruVartha Android app from Google play store and Click On the News Reader Button.
